दिल्लीका मुख्यमन्त्री अरविन्द केजरीवाल रिहा हुँदै

दिल्लीका मुख्यमन्त्री अरविन्द केजरीवाल रिहा हुने भएका छन् । सर्वोच्च अदालतले केजरीवाललाई जुन १ सम्मको लागि अन्तरिम जमानत दिएको हाे। केजरीवालले दिल्ली मदिराकाे नीतिगत घोटालासँग सम्बन्धित मनी लान्ड्रिंग मुद्दामा ईडी अनुसन्धानको सामना गरिरहेका थिए ।

उनी हाल तिहाड जेलमा छन् । केजरीवाललाई (अहिले निष्क्रिय) दिल्ली एक्साइज नीति २०२१-२२ मा कथित अनियमिततासँग सम्बन्धित मनी लान्ड्रिंग अनुसन्धानको सम्बन्धमा ईडीले मार्च २१ मा पक्राउ गरेको थियो।

ईडीले केजरीवालको जमानत आवेदनको विरोध गर्दै सर्वाेच्च अदालतमा शपथ पत्र दायर गरेको थियो। जसमा केन्द्रीय निकायले निर्वाचनमा प्रचारप्रसार गर्ने अधिकार मौलिक हक र संवैधानिक अधिकार नभएको बताएको थियो । साेही समयमा, केजरीवालका वकिलहरूकाे टोलीले ईडीको शपथपत्रमा कडा आपत्ति जनाएको थियो। तर,ईडीका सबै तर्कलाई बेवास्ता गर्दै अदालतले केजरीवाललाई अन्तरिम जमानत दिएको हाे।

Source: Merolaani

सुनको मूल्य स्थिर, चाँदीको भने घट्यो

मंगलबार सुनको मूल्य स्थिर अवस्थामा छ भने चाँदीको मूल्य घटेको छ। यसदिन सुनको मूल्य सोमबार काराेबार भएकाे मूल्यमा नै स्थिर भएको हो। तर, चाँदीको मूल्य भने १५ रुपैयाँले सस्तिएको छ।

नेपाल सुनचाँदी व्यवसायी महासंघका अनुसार आज छापावाला सुन एक लाख ३७ हजार २०० रुपैयाँ र तेजाबी सुन प्रतितोला एक लाख ३६ हजार ५५० रुपैयाँमा कारोबार भईरहेको छ।

यसदिन चाँदी तोलामा १५ रुपैयाँले घटेर प्रतितोला एक हजार ६५० रुपैयाँमा किनबेच भईरहेको छ। सोमबार चाँदी प्रतितोला एक हजार ६६५ रुपैयाँमा कारोबार भएको थियो।

कतारका राजा थानीका ३ श्रीमती र १३ सन्तान

Source:Merolgani

कतारका राजा (अमिर) शेख तमिम बिन हमाद अल थानी आज नेपाल आउँदै छन् । शेख तमिम इब्न हमाद अल थानी कतारका शासक र धनाढ्य हुन् । यसका साथै उनी अरबका सबैभन्दा धनी व्यक्तिहरू मध्येका एक  हुन्। 

सन् १९८० जुन ३ मा जन्मेका तमिम कतारका पूर्व शेख हमाद बिन खलिफा अल थानीका काइँलाे छोरा हुन्। उनको प्रारम्भिक शिक्षा लन्डनको प्रसिद्ध ह्यारो स्कूलमा भएको थियो। त्यसपछि उनी रोयल मिलिटरी एकेडेमीमा भर्ना भएका थिए ।

पढाइ सकेपछि शेख तमिम कतारी सेनामा भर्ना भए र सेकेण्ड लेफ्टिनेन्ट पनि भए । सन् २००३ मा, उनका जेठो दाजु शेख जसिमले सिंहासनमाथि आफ्नो दाबी त्यागे। जसपश्चात उनलाई कतारको राजा बन्ने बाटो खुलेको थियो । सन् २०१३ मा तमिमका बुबा हम्माद बिन खलिफाले अचानक आफ्नो पद त्यागको घोषणा गर्दै तमिमलाई कतारको राजा घोषणा गरेका थिए ।

अन्तरराष्ट्रिय संचारमाध्यमका अनुसार शेख हम्मादको परिवारका अधिकांश व्यक्ति सेनादेखि कतारको सरकारसम्मका विभिन्न महत्वपूर्ण पदमा छन् । एक हिसाबले हेर्दा सबै ठाउँमा उनीहरूकै चल्छ।

३ वटा विवाहबाट १३ सन्तान

कतारका अमिर शेख तमिमले ३ पटक विवाह गरेका छन् । उनले २००५,२००९ र २०१४ मा विवाह गरेका थिए । उनका १३ सन्तान छन् ।

संचारमाध्यमका अनुसार शेख तमिम एक्लै १.६ बिलियन पाउण्डका मालिक हुन् । यो सँगै शाही परिवारको कुल सम्पत्ति करिब ३३५ अर्ब डलर रहेको छ । उनी दोहाको राजदरबारमा बस्छन्।

संसारकै सबैभन्दा महँगो घरमा बस्छन्

कतारका राजाकाे राज दरबारलाई विश्वकै महँगो घर मानिन्छ । यसको मूल्य करिब एक अर्ब डलर रहेको अनुमान गरिएको छ । दरबारका केही भागमा सुनका हस्तकलाले सिंगारिएकाे छ ।

त्यहाँ १०० भन्दा बढी कोठा र ५०० सवारी साधनका लागि पार्किङको व्यवस्था छ । साउथ चाइना मर्निङ पोस्टको रिपोर्टका अनुसार शेख तमिमले सन् २०१९ मा ओमानमा आफ्नोलागि अर्को दरबार पनि बनाएका थिए जसको नाम ‘व्हाइट प्यालेस’ राखिएको छ ।

सेतो दरबार (White Palace) ठ्याक्कै दोहाको राज दरबार जस्तै रहेकाे छ । यहाँ विलासिताका सबै सुविधाहरू पनि उपलब्ध छन्। शाही र ह्वाइट प्यालेसबाहेक शेख तमिमको लण्डन,अमेरिकालगायत विश्वका अन्य देशमा पनि सम्पत्ति छ ।

समुन्द्रमा ‘तैरिरहेको दरबार’को मालिक

शेख तमिमले आफ्नो याटमा महिनाका केही दिन बिताउँछन् । यस याटलाई कटारा भनिन्छ र यो संसारको सबैभन्दा महँगो र विलासी याट भनिन्छ। करिब ४० करोड डलरको यो याट समुद्रमा तैरिरहेको दरबार जस्तै छ । १२४ मिटर लामो यो याटमा हेलिप्याड र कैयाैं डेकहरू छन्। यस याटमा ३५ पाहुना र ९० जना चालक दलका सदस्यहरूका लागि एकैसाथ बस्ने व्यवस्था रहेकाे छ ।

निजी एयरलाइन्सको मालिक पनि

कतारका राजाको आफ्नै निजी एयरलाइन्स पनि छ । सन् १९७७ मा राज परिवार र सरकारी उच्च अधिकारीलाई मात्र सेवा प्रदान गर्ने ‘कतार अमिरी एयरलाइन्स’ को आधार शिला राखिएको थियो । रिपोर्टका अनुसार यस एयरलाइनसँग हाल तीन बोइङ ७४७ सहित कम्तीमा १४ वटा विमान सञ्चालनमा छन्। प्रत्येक जहाजको लागत ४०० मिलियन डलर भन्दा बढी छ।

फुटबल क्लबका मालिक

शेख तमिमलाई लक्जरी कार पनि मनपर्छ । उनीसँग विश्वको सबैभन्दा महँगो कार छ । ती कारहरू बुगाटीदेखि फरारी,ल्याम्बोर्गिनी, रोल्स रोयससम्मका सवारी साधनहरू हुन्।

तमिमलाई खेलकुदमा निकै रुचि छ । उनको पहलमा कतारले फिफा विश्वकप आयोजनाको अधिकार पाएको हो । शेख तमिम सेन्ट जर्मन फुटबल क्लबका  मालिक पनि हुन्। भर्खरै राज परिवारले एससी ब्रागाको करिब २२ प्रतिशत शेयर खरिद गरेको छ। यो पोर्चुगलको सबैभन्दा प्रख्यात फुटबल क्लबहरू मध्येकाे एक हो।

प्रि ओपन सेसन अपडेटः करिब १ अंक बढ्यो नेप्से

Source: Merolagani

साताको पहिलो कारोबार दिन प्रि ओपन सेसनमा नेप्से परिसूचक करिब १ अंक बढेको छ।

अघिल्लो कारोबार दिन अर्थात गत बिहीबार १९.५६ अंक घटेर १९७२.१४ विन्दुमा बन्द भएको नेप्से, यस दिन सो सेसनमा ०.७७ अंक बढेर १९७२.९२ विन्दुमा पुगेको छ। सो सेसनमा सेन्सेटिभ इण्डेक्स भने ०.९२ अंक बढेको छ।

आइतबार प्रि ओपन सेसनमा २९ स्टकको १४ लाख २४ हजार ७७८ रुपैयाँबराबरको २ हजार ६४८ कित्ता शेयर कारोबार भएको छ। जसमध्ये ९ स्टकको मूल्य बढेको छ भने १६ स्टकको मूल्य घटेको छ। बाँकी ४ स्टकको मूल्य सो सेसनमा स्थिर रहेको छ।

 

तत्कालका लागि धितोपत्र बोर्डकाे अध्यक्षमा रितेश शाक्य

नेपाल धितोपत्र बोर्ड अध्यक्ष विहीन भएको अवस्थामा अर्थ मन्त्रालयबाट प्रतिनिधित्व गर्ने सदस्यले अध्यक्षको भूमिका निर्वाह गर्ने भएका छन्। धितोपत्र ऐन २०६३ लाई संशोधन गर्दै उक्त व्यवस्था गरिएको हो। जुन कानुन राजपत्रमा समेत प्रकाशित भइसकेको छ।

“सम्पत्ति शुद्धीकरण (मनि लाउण्डरिङ्ग) निवारण तथा व्यावसायिक वातावरण प्रवर्द्धन सम्बन्धी केही ऐनलाई संशोधन गर्ने ऐन, २०८०” गत चैत ३० मा प्रकाशित भएको हो। उक्त ऐन मार्फत एकै पटक २० वटा ऐन संशोधन भएका छन्। जसमा धितोपत्र बोर्ड सम्बन्धी ऐन २०६३ पनि संशोधन भएको छ। सोही संशोधित ऐनले अर्थ मन्त्रालयबाट बोर्डमा प्रतिनिधित्व गर्ने सदस्यले अध्यक्षको भूमिका निर्वाह गर्ने भनेको छ। धितोपत्र सम्बन्धी ऐन २०६३ को दफा ७ को उपदफा ७ पछि उपदफा ८ थप्दै उक्त व्यवस्था गरिएको हो।

“यस ऐनमा अन्यत्र जुनसुकै कुरा लेखिएको भए तापनि अध्यक्षको पद रिक्त भएमा, उपदफा ७ बमोजिम नेपाल सरकारले निजलाई पदबाट हटाएमा वा निज निलम्बनमा परि बोर्डको कामकाज गर्न नमिल्ने भएमा बोर्डमा अर्थ मन्त्रालयबाट प्रतिनिधित्व गर्ने सदस्यले बोर्डको अध्यक्षको हैसियतमा काम गर्ने छ,” उपदफा ८ मा उल्लेख छ।

ऐन राजपत्रमा प्रकाशित भइसकेको छ। उक्त अवस्थामा बोर्डमा अध्यक्षको हैसियतले अर्थ मन्त्रालयबाट प्रतिनिधित्व गर्ने सदस्यले अध्यक्षको हैसियतले काम गर्ने धितोपत्र बोर्डका कार्यकारी निर्देशक तथा प्रवक्ता मुक्तिनाथ श्रेष्ठले बताए। अहिले अर्थ मन्त्रालयको तर्फबाट सहसचिव रितेश शाक्यले बोर्डमा सदस्यको भूमिका निर्वाह गर्दै आएका छन्। शाक्यले नै आगामी दिनमा बोर्ड अध्यक्षको भूमिका निर्वाह गर्ने छन्। उक्त ऐन आउनु पूर्व अर्थ मन्त्रालयले बोर्ड कै बरिष्ठतम् कार्यकारी निर्देशक डा. नवराज अधिकारीलाई दैनिक कामकाजको जिम्मा दिएको थियो।

चीनकाे अर्थतन्त्र पहिलाे त्रैमासमा अपेक्षा भन्दा धेरैले बढ्याे

Source:Merolgani

कोरोना संक्रमणकालपछि चीनको आर्थिक अवस्था झन् बिग्रदै गएकाे छ । चीनमा घरजग्गा क्षेत्रमा पनि ठूलो गिरावट देखिएको छ । जसको दबाब चीनको बैंकिङ प्रणालीमा परेकाे छ ।

यसैबीच,मुद्रास्फीतिमा भएको वृद्धि र निर्माणमा कमजोरीले ड्र्यागनको चिन्ता बढाएको छ। तर, चीनले आफ्नो अर्थतन्त्र बलियो बनाउन कैयाैं कडा कदम चालेको छ । जसकाे प्रभाव अर्थतन्त्रमा देखिएकाे छ ।

यद्धपि चीनको अर्थतन्त्रले २०२४ काे पहिलो त्रैमासमा सोचेभन्दा राम्रो प्रदर्शन गरेको बताइएको छ । आधिकारिक तथ्याङ्क अनुसार विश्वको दोस्रो ठूलो अर्थतन्त्र जनवरी-मार्च त्रैमासमा ५.३ प्रतिशतको वार्षिक दरले वृद्धि भएको छ । विश्लेषकहरूले पहिलाे त्रैमासमा करिब ४.६ प्रतिशतकाे वृद्धि दर रहने अनुमान गरेका थिए । तर उक्त अनुमान भन्दा याे बढी हो । अघिल्लो त्रैमासको तुलनामा चीनकाे वृद्धिदर १.६ प्रतिशतले बढेको छ ।

राष्ट्रिय तथ्याङ्क ब्यूरोको तथ्याङ्कले पनि पहिलो त्रैमासिक खुद्रा बिक्री वृद्धि पनि सार्वजनिक गरेकाे छ ।चिनियाँ उपभाेक्ताहरूकाे विश्वास मापन गर्ने खुद्रा बिक्री दर ३.१ प्रतिशतमा झरेको छ।

सोही अवधिमा सम्पत्ति लगानी दर पनि ९.५ प्रतिशतले घटेको छ । यस दरले चीनका घर जग्गा फर्महरूले सामना गरिरहेकाे चुनौतीहरूलाई दर्शाउँछ।

सन् २०२४ को लागि पनि ठूलो लक्ष्य 

चीनले सार्वजनिक गरेको तथ्यांक अनुसार पहिलो त्रैमासमा वार्षिक आधारमा औद्योगिक उत्पादन ६.१ प्रतिशतले बढेको छ भने खुद्रा बिक्री दर वार्षिक ४.७ प्रतिशतले बढेको छ । नीति निर्माताहरूले चीनको अर्थतन्त्रलाई बढावा दिन कैयाैं वित्तीय र मौद्रिक नीति उपायहरू अपनाएका छन्। चीनले सन् २०२४ का लागि पाँच प्रतिशतको महत्वाकांक्षी कुल गार्हस्थ्य उत्पादन (जीडीपी) वृद्धि लक्ष्य राखेको छ।

जनसंख्या घट्नु चिन्ताको विषय 

एकातिर चीनको अवस्था राम्रो हुँदै गइरहेको छ । अर्कोतर्फ,मुलुकको घट्दो जनसंख्या चिन्ताको विषय बनेको छ । सन् २०२३ मा चीनको जनसङ्ख्या १ अर्ब ४१ करोडबाट घटेर १ अर्ब ४० करोडमा झरेकाे छ । संयुक्त राष्ट्र संघको प्रक्षेपण अनुसार सन् २०५० सम्ममा चीनको जनसङ्ख्या घटेर १ अर्ब ३१ करोड पुग्नेछ । त्यसपछि २०५०सम्म यो करिब ८० करोडमा झर्नेछ।यसको प्रभाव विश्वभर देखिनेछ। जनसंख्या परिवर्तनले ‘विनाशको चक्र’ निम्त्याउन सक्छ जहाँ एउटा आर्थिक अवस्थाले नकारात्मक प्रभावहरू सिर्जना गर्छ। कम उत्पादकत्वले विशेष क्षेत्रहरूमा उत्पादनलाई असर गर्न थालेपछि चीनले ती उद्योगहरूमा माग पूरा गर्न आयात बढाउन बाध्य हुन सक्छ।

शेयरको भित्रि कारोबारमा प्रहरीले अनुसन्धान गर्ने भएपछि शेयर बजारमा बढ्यो बिक्री चाप, सूचक २,००० विन्दु तल झर्यो

Source:Merolagani

शेयरको भित्रि कारोबारमा प्रहरीले अनुसन्धान गर्ने भएपछि शेयर बजारमा बिक्री चाप बढेको छ। जसले गर्दा मंगलबार सूचक २००० विन्दु तल झरेको छ।

नेप्सेले यस दिन २,००० को मनोबैज्ञानिक सपोर्ट विन्दुलाई तोडेर तल झरेको हो।

मंगलबार नेप्से सूचक १४.८१ अंकले घटेर १९९१.७१ विन्दुमा बन्द भएको छ। पछिल्लो दिनहरुमा कारोबार रकम पनि घट्दै गएको छ। मंगलबार कारोबार रकम २ अर्ब १० करोड रुपैयाँमा सिमित भएको छ। यस दिन २ अर्ब १० करोड ३० लाख १९ हजार २१८ रुपैयाँ बराबरको ५४ लाख ७१ हजार ६८ कित्ता शेयर कारोबार भएको हो।

धितोपत्र कारोबारमा इन्साइडर ट्रेडिङ अर्थात शेयरमा भित्रि कारोबारमा अब प्रहरीले अनुसन्धान गर्ने भएको छ। धितोपत्र सम्बन्धी ऐन २०६३ को बुँदा नम्बर १०३ लाई संशोधन गर्दै यस्तो व्यवस्था गरिएको हो । राजपत्रमा प्रकाशन गरी ऐन कार्यान्वयनमा ल्याइएको छ । यसले लगानीकर्ताको मनोबल थप खस्केको छ। जसले गर्दा शेयर बजारमा बिक्री चाप बढेको देखिन्छ।

पूँजीबजार सुधारको लागि काम हुन नसकेको भन्दै निराश बनेका लगानीकर्तामा यसले झनै निराशा थपेको छ। जसले असर बजारमा देखिएको छ।

यस दिन गोर्खाज फाइनान्सको शेयरमूल्य सबैभन्दा धेरै ९.९६ प्रतिशतले बढेको छ भने ग्रिन डेभलपमेन्ट बैंकको ५.०२ प्रतिशत र दिब्यश्वरी हाइड्रोपावरको ४.४ प्रतिशतले बढेको छ। यता रुरु हाइड्रोपावरको शेयरमूल्य सबैभन्दा धेरै १० प्रतिशतले घटेकाे छ भने पोखरा फाइनान्सको ६.७४ प्रतिशत र सिवाइसिएल लघुवित्तको ६.५० प्रतिशतले घटेको छ।

मंगलबार गोर्खाज फाइनान्सको १७ करोड ५९ लाख रुपैयाँको शेयर कारोबार भएको छ भने सूर्य ज्योति लाइफ इन्स्योरेन्सको ७ करोड ४३ लाख र पोखरा फाइनान्सको ६ करोड ६८ लाख रुपैयाँको शेयर कारोबार भएको छ।

नागढुङ्गा-सिस्नेखोला सुरुङमार्गको मुख्य सुरुङको ‘ब्रेक थ्रू

Source:NEPSEALPHA

नागढुङ्गा-सिस्नेखोला सुरुङमार्गको मुख्य सुरुङ आज ‘ब्रेक थ्रू’ भएको छ । प्रधानमन्त्री पुष्पकमल दाहाल प्रचण्डको उपस्थितिमा विस्फोट गराई २ मिटर खनेर मुख्य सुरुङको ब्रेक थ्रु भएको हो ।

चन्द्रागिरी नगरपालिकाको बलम्बूदेखि धादिङको सिस्नेखोला जोड्ने सुरुङमार्गअन्तर्गत मुख्य सुरुङको लम्बाइ दुई हजार ६ सय ६७ मिटर रहेको छ ।

आयोजनाको आपतकालीन सुरुङ भने गत साउनमै ब्रेक थ्रू भइसकेको छ । सुरुङभित्रको सडक ढलान, बत्ती तथा अक्सिजन पाइप जडान लगायतका काम बाँकी छ ।

सम्झौताअनुसार सुरुङ मार्गको निर्माण अघिल्लो वैशाखमै सम्पन्न हुनुपर्ने थियो । सुरुङमार्ग अन्तर्गत तीनवटा अन्डरपास, चारवटा बक्स कल्भर्ट, एउटा ओभरपास, तीनवटा पुल र एउटा फ्लाइओभर रहने नागढुंगा-सिस्नेरी सुरुङमार्ग आयोजनाले जनाएको छ ।

सुरुङबाट सवारीसाधन सञ्चालन गर्न भने थप १ वर्ष लाग्ने आयोजनाले जनाएको छ । मुख्य सुरुङ गत फागुन २३ मा ‘ब्रेक थ्रु’ गर्ने तयारी थियो । १४ मिटर खन्न बाँकी छँदा स्थानीयले खानेपानी, सिँचाइलगायत नयाँ पुराना माग अघि सार्दै धादिङ र काठमाडौंतर्फ एक महिना काम ठप्प पारेका थिए ।

भौतिक पूर्वाधार तथा यातायात मन्त्रालयमा मन्त्रालय र स्थानीयबीच ९ बुँदे सहमति पछि चैत ६ देखि निर्माण सुरु भएको थियो । नागढुंगा सुरुङ मार्गको मुख्य लम्बाइ २६ सय ६६ मिटर छ । सुरुङ सञ्चालनमा आएपछि भने काठमाडौंको थानकोटबाट तीन मिनेट मै धादिङको सिस्ने खोला पुगिनेछ । मुख्य सुरुङ २.६८८ किमि र आपत्कालीन सुरुङको दूरी २.५५७ किमि छ ।

नेप्सेमा गिरावट जारी, दुई स्टकको शेयर नकारात्मक सर्किट लेभलमा कारोबार

Source Merolgani

साताको दोस्रो कारोबार दिन पनि नेप्से परिसूचक घटेर बन्द भएको छ। गत साताको अन्तिम कारोबार दिनदेखि घट्न थालेको नेप्सेले यस दिन पनि सोही क्रमलाई निरन्तरता दिएको हो।

सोमबार नेप्से परिसूचक १६.८२ अंक घटेर २००६.५२ विन्दुमा झरेको छ। त्यसैगरी, यस दिन सेन्सेटिभ इण्डेक्स २.४२ अंक घटेको छ भने फ्लोट इण्डेक्स १.०९ अंक र सेन्सेटिभ फ्लोट इण्डेक्स ०.८४ अंक घटेको छ।

नेप्सेसँगै यस दिन कारोबार रकम पनि घटेको छ। आइतबार ३ अर्बभन्दा बढीको शेयर खरिदबिक्री भएको बजारमा यस दिन ३१४ स्टकको ५० हजार ५२४ पटकको कारोबारमा २ अर्ब ७९ करोड ७५ लाख रुपैयाँ बराबरको ७२ लाख २३ हजार कित्ता शेयर खरिदबिक्री भएको छ।

यस दिन दुई स्टकको शेयर नकारात्मक सर्किट लेभलमा कारोबार भएको छ। यस दिन गुराँस लघुवित्त वित्तीय संस्था र दोल्ती पावरको शेयर नकारात्मक सर्किट लेभलमा कारोबार भएको हो। त्यस्तै, यस दिन खानीखोला हाइड्रोपावरको शेयरमूल्य करिब साढे ७ प्रतिशत घटेको छ। यस दिन ८.५ प्रतिशत माछापुच्छ्रे डिबेन्चरको मूल्य सर्वाधिक ७.०९ प्रतिशत बढेको छ।

कारोबार रकमका आधारमा यस दिन ङादी ग्रुप पावर शीर्ष स्थानमा रहेको छ। सो कम्पनीको यस दिन १७ करोड ७३ लाख रुपैयाँ बराबरको शेयर खरिदबिक्री भएको छ। त्यस्तै, यस दिन सिवाईसि नेपाल लघुवित्तको साढे ७ करोडभन्दा बढीको शेयर किनबेच भएको छ भने सानिमा माई हाइड्रोपावरको करिब ७ करोडको शेयर कारोबार भएको छ।

यस दिन १३ वटै उपसमूहको परिसूचक घटेको छ। जसमध्ये वित्त उपसमूहको परिसूचक सर्वाधिक १.६४ प्रतिशत घटेको छ। त्यस्तै, यस दिन होटल तथा पर्यटन, उत्पादन तथा प्रशोधन र अन्य उपसमूहको परिसूचक १ प्रतिशतभन्दा बढी घटेको छ।

 

सागर डिष्टिलरीले प्रिमियममा शेयर जारी गर्ने

सागर डिष्टिलरी लिमिटेडले प्रिमियममा शेयर जारी गर्ने भएको छ। कम्पनीले सो प्रस्ताव पारित गर्न विशेष साधारण सभा बोलाएको छ।

कम्पनीले बैशाख १५ गते, शनिबार, आफ्नो रजिष्टर्ड कार्यालयमा सो सभा बोलाएको हो। सो सभा बेलुका ४ बजे शुरु हुनेछ।

सभाले प्रिमियममा शेयर जारी गर्ने प्रस्तावसँगै कम्पनीको जारी पूँजी वृद्धि गर्नका लागि प्रबन्धपत्रका् दफा ६ (१) (ख) संशोधन गर्ने प्रस्ताव पनि पारित गर्नेछ।

नेप्सेको फ्लोरसिटमा गम्भीर समस्या, खरिद गर्ने र बिक्री गर्ने ब्रोकरको तथ्याँक सबै उल्टो

Source:Merolgani

नेपाल स्टक एक्सचेञ्जको फ्लोरसिटमा गम्भीर समस्या देखिएको छ। आइतबारको कारोबारमा खरिद गर्ने र बिक्री गर्ने ब्रोकरको तथ्याँक नै गलत देखिएको छ।

आइतबारको कारोबारमा सबै कम्पनीको खरिद गर्ने र बिक्री गर्ने ब्रोकरको तथ्याँक उल्टो देखिएको हो। खरिद गरिएको शेयर बिक्री गरेको देखिएको छ भने बिक्री गरेको शेयर खरिद गरेको देखिएको छ।

उदाहारणको लागि आइतबार रावा इनजीको २२० कित्ता शेयर ब्रोरक नम्बर ६२ बाट बिक्री गरिएको थियो। तर सोहि कन्ट्रयाक नम्बर भएको कारोबार नेप्सेको फ्लोरसिटमा भने खरिद गरेको देखिएको छ। यो मात्रै होइन सबै कारोबारमा खरिद गर्ने र बिक्री गर्ने ब्रोकर उल्टो देखिएको छ।

  • हेर्नुहाेस टिएमएसबाट गरिएकाे काराेबारकाे विवरण

 

  • हेर्नुहाेस साेही काराेबारकाे नेप्सेकाे फ्लाेरसिटमा देखिएकाे विवरण

यसले सामान्य लगानीकर्तामा भने खरिद गर्ने र बिक्री गर्ने ब्रोकरको गलत तथ्याँक जाने भएको छ। अहिले कतिपय लगानीकर्ता फ्लोरसिट विश्लेषण गरेर समेत बजारमा कारोबार गर्ने गरेकोमा त्यस्ता लगानीकर्तालाई भने यसले भ्रम सिर्जना गर्ने भएको छ।

यसले नेप्सेको आधिकारिक तथ्याँकमा नै प्रश्न उब्जाएको छ।

दीपेन्द्र एकै ओभरमा ६ छक्का हान्ने विश्वकै पाँचौं खेलाडी

१ वैशाख, काठमाडौं । नेपालका अलराउन्डर दीपेन्द्रसिंह ऐरी अन्तर्राष्ट्रिय क्रिकेटमा एकै ओभरमा ६ छक्का हान्ने विश्वकै पाँचौं खेलाडी बनेका छन् ।

ओमानमा जारी एसीसी प्रिमियर कपमा दीपेन्द्रले कतारविरुद्ध टी–२० आईमा एकै ओभरमा ६ छक्का हाने हानेका हुन् । दीपेन्द्र टी–२० आईमा एकै ओभरमा ६ छक्का हान्ने तेस्रो र समग्र अन्तर्राष्ट्रिय क्रिकेटका पाँचौं खेलाडी बनेका छन् ।

दीपेन्द्रले ओमानको अल अमरेत क्रिकेट मैदानमा कतारका कमरान खानलाई २० औं ओभरका सबै बलमा छक्का प्रहार गरेका हुन् । दीपेन्द्रले २१ बलमा ३ चौका र ७ छक्कासहित ६४ रनको इनिङ खेले । उनको विस्फोटक ब्याटिङको मद्दतमा नेपालले २० ओभरमा ७ विकेट गुमाउँदै २१० रन बनाएको थियो ।

दीपेन्द्र नेपालबाट कुनैपनि अन्तर्राष्ट्रिय क्रिकेटमा एकै ओभरमा ६ छक्का हान्ने पहिलो खेलाडी समेत हुन् । दीपेन्द्रले यसअघि सेप्टेम्बरमा मंगोलियाविरुद्ध टी–२० आईमा दुई फरक ओभरमा लगातार ६ बलमा ६ छक्का हानेका थिए ।

उक्त खेलमा दीपेन्द्रले ९ बलमै क्रिकेट इतिहासकै सर्वाधिक छिटो अर्धशतक प्रहार गरेका थिए । दीपेन्द्रअघि अन्तर्राष्ट्रिय क्रिकेटमा एकै ओभरमा ६ छक्का हान्ने चार खेलाडी यस प्रकार छन् ।

हर्सल गिब्स

दक्षिण अफ्रिकाका ब्याटर हर्सल गिब्सले २००७ को एकदिवसीय विश्वकप क्रिकेटमा नेदरल्यान्ड्सविरुद्ध एकै ओभरमा ६ छक्का हानेका थिए ।

उनले नेदरल्यान्ड्सका डान भान बंगेलाई ३० औं ओभरमा ६ छक्का हानेका थिए । हर्सल अन्तर्राष्ट्रिय क्रिकेटमा एकै ओभरमा ६ छक्का हान्ने पहिलो खेलाडी हुन् ।

युवराज सिंह

भारतका पूर्व आक्रामक ब्याटर युवराज सिंहले २००७ को टी–२० विश्वकपमा इंग्ल्यान्डका तीव्र गतिका बलर स्टुअर्ट ब्रोडलाई १९ औं ओभरमा ६ छक्का हानेका थिए । युवराज टी–२० आईमा एकै ओभरमा ६ छक्का हान्ने पहिलो खेलाडी हुन् ।

काइरन पोलार्ड

वेस्टइन्डिजका पूर्वकप्तान काइरन पोलार्डले २०२१ को टी–२० आई सिरिजमा श्रीलंकाका स्पिनर अकिला धनञ्जयलाई छैटौं ओभरमा ६ छक्का हानेका थिए ।

जसकरण मलहोत्रा

अमेरिकाका ब्याटर जसकरण मलहोत्राले २०२१ मा पपुवा न्युगिनीविरुद्ध ओडीआई खेलमा एकै ओभरमा ६ छक्का हानेका थिए । अन्तिम ओभरमा गौडी टोकालाई एकै ओभरमा छक्का हानेका थिए ।

Video

संसद् अधिवेशनको अन्त्य स्वभाविक प्रक्रियाबाट भएको हो : सञ्चारमन्त्री शर्मा

काठमाडौँ — सरकारले संसद्को चालु अधिवेशनको अन्त्य स्वभाविक प्रक्रियाअन्तर्गत भएको बताएका छन् । आइतबार मन्त्रिपरिषद् बैठकका निर्णय सार्वजनिकपछि सञ्चारकर्मीहरुले राखेका जिज्ञासाको जवाफ दिँदै सञ्चार तथा सूचना प्रविधिमन्त्री रेखा शर्माले संसद् अधिवेशन स्वभाविक प्रक्रियाअन्तर्गत अन्त्य भएको बताइन् ।

उनले स्वभाविक रुपमा भएको संसद् अधिवेशनलाई अरु अर्थमा बुझ्न नहुने बताए । उनले सरकार संसद्‌मा उठेका प्रश्नबाट भाग्न खोज्यो भन्ने नेपाली कांग्रेसको आरोप गलत भएको बताए ।

संसद्को एउटा अधिवेशनबाट अर्को अधिवेशनमा पुग्नका निम्ति हामीलाई केही समय चाहिन्छ । हाम्रा नियमावली, संविधानका व्यवस्था छन् । त्यो व्यवस्थाअनुसार हाम्रो केही समय संसद् अधिवेशन बन्द गर्नैपर्ने हुन्छ । अब हाम्रो बजेट अधिवेशन नजिक आउँदैछ । यस पटक बजेट कार्यक्रममा नयाँपन दिने पनि हामीले भनेका छौँ । त्यही अनुसार हामीले सिद्धान्त र प्राथमिकता एक खालले पारित गरिसकेका छौँ,’ मन्त्री शर्माले भनिन्, ‘सिद्धान्त र प्राथमिकतामा धेरै सल्लाह र सुझावहरु आएका छन् । त्यसलाई परिमार्जन गर्नुपर्नेछ ।’

उनले अहिले सरकारको ध्यान नीति तथा कार्यक्रम र बजेटको तयारी गर्नेमा केन्द्रीत रहेको बताइन् । उनले एउटा अधिवेशनबाट अर्को अधिवेशनमा पुग्नका निम्ति संसद् अधिवेशन बन्द गर्नैपर्ने बाध्यता रहेको बताइन् ।

Source:Ekantipur