मंगलबार सुनको मूल्य स्थिर अवस्थामा छ भने चाँदीको मूल्य घटेको छ। यसदिन सुनको मूल्य सोमबार काराेबार भएकाे मूल्यमा नै स्थिर भएको हो। तर, चाँदीको मूल्य भने १५ रुपैयाँले सस्तिएको छ।
नेपाल सुनचाँदी व्यवसायी महासंघका अनुसार आज छापावाला सुन एक लाख ३७ हजार २०० रुपैयाँ र तेजाबी सुन प्रतितोला एक लाख ३६ हजार ५५० रुपैयाँमा कारोबार भईरहेको छ।
यसदिन चाँदी तोलामा १५ रुपैयाँले घटेर प्रतितोला एक हजार ६५० रुपैयाँमा किनबेच भईरहेको छ। सोमबार चाँदी प्रतितोला एक हजार ६६५ रुपैयाँमा कारोबार भएको थियो।
