सर्वोत्तम सिमेन्टको आम्दानी बढ्दा पनि किन घट्यो नाफा ?

काठमाडौं : गत आर्थिक वर्षको चौथो त्रैमाससम्म आइपुग्दा सर्वोत्तम सिमेन्टको आम्दानी बढ्दा पनि खुद नाफा घटेको छ । यसअवधिमा खुद नाफा १८.५१ प्रतिशतले घटेर १७ करोड ४२ लाख ८६ हजार रुपैयाँमा सीमित भएको छ । अघिल्लो वर्षको यसैअवधिमा यसले २१ करोड ३८ लाख ६७ हजार रुपैयाँ खुद नाफा कमाएको थियो ।

यता, सञ्चालन आम्दानी भने १८.४७ प्रतिशतले बढेर ६ अर्ब ३७ करोड ३७ लाख ६७ हजार रुपैयाँ पुगेको छ । अघिल्लो वर्षको यसैअवधिमा यसले ५ अर्ब ३८ करोड २ लाख ६५ हजार रुपैयाँ सञ्चालन आम्दानी गरेको थियो । आम्दानी बढेपनि यसको बिक्री लागत बढ्दा खुद नाफा प्रभावित भएको हो ।

बिक्री लागत २६.५१ प्रतिशतले बढेर ५ अर्ब ५७ करोड ७६ लाख ४७ हजार रुपैयाँ छ । चुक्ता पुँजी ४ अर्ब ६५ करोड रुपैयाँ छ । प्रतिसेयर आम्दानी ३ रुपैयाँ ७५ पैसा र प्रतिसेयर नेटवर्थ १९८ रुपैयाँ ८३ पैसा छ ।